日本酒祭典推薦2025 今秋必去！2025年日本9-10月酒類活動懶人包 秋天到，正是暢飲好時間！2025年9月和10月，全日本多個城市將舉辦豐富的酒類活動，熱愛日本酒的朋友，都能找到屬於自己的喝酒派對。立即看看有什麼活動，約埋好友一齊去high啦！   地酒ストリート2025 9月重點活動 地酒ストリート2025 日期：9月14日(日) 地點： 静岡県静岡市 清水駅前銀座商店街 活動簡介：全國包括清酒/燒酎/紅酒/威士忌等超過56酒藏參加，300種不同酒款放題。當中包括 「会津中将」 「彩來」「山和」「田酒」「黒龍」「 HIRAN」等大家熟悉嘅酒款 。 官網： https://jizake-st.com/ 若手の夜明け2025 TOKYO 若手の夜明け2025 TOKYO 日期：9月17日(三)～9月21日(日) 地點：東京都千代田區大手町フィナンシャルシティ 活動簡介：年輕釀酒師匯聚東京，帶來50間酒藏的清酒試飲與美食配搭，感受新派清酒魅力。 官網： https://sakejump.com/ja/events/2025tokyo OSAKA SAKE SQUARE 2025 OSAKA SAKE SQUARE 2025 日期：9月20日(六)～9月21日(日) 地點：大阪市北區扇町公園 活動簡介：27家酒藏和超過80款清酒齊集，現場有DJ音樂與當地美食，體驗正宗關西酒文化。 官網： https://zip-fm.co.jp/osaka-sakesquare25/   越後長岡 酒の陣 越後長岡 酒の陣 日期：9月20日(六) 地點：新潟縣長岡市アオーレ長岡 活動簡介：14個在地酒藏、60款以上清酒分時段開飲，體驗新潟名釀「久保田」等人氣酒款。 官網： https://nagaoka-sakenojin.com/ 10月精選推介 Tokyo SAKE Collection 2025 Tokyo SAKE Collection 2025 ～サケコレ＠アキバで日本酒～ 日期：10月4日(六)～10月5日(日) 地點：東京都千代田區ベルサール秋葉原 活動簡介：一次過試盡約100款稀有日本酒，秋葉原這個動漫天堂搖身一變成為清酒樂園。 官網： https://nihonshu.com/sakekore2025/ Shibuya SAKE Scramble Shibuya SAKE Scramble 日期：10月11日(六) 地點：東京都渋谷区渋谷エクセルホテル東急6樓 活動簡介：超過150款日式酒類匯聚，包括清酒、啤酒、葡萄酒、威士忌及美食，分三場讓你無限暢飲。 官網： https://www.tokyu-dept.co.jp/tokyufoodshow/shibuyasakescramble/index.html   超吟醸祭 powered by SHOPIFY 超吟醸祭 powered by SHOPIFY 日期：10月18日(六)～10月19日(日) 地點：東京都豐島區Hareza池袋・中池袋公園 活動簡介：40+酒藏，超過150款頂級吟釀酒無限暢飲，更有聲優藝人壓軸助興，頂級酒迷必到。 官網： https://superginjo-fes.jp/   10月份更加唔少得 1Oct 關於日本酒之日嘅活動啦，今年更由 27Sept 開始至5Oct係全國各地舉行不同活動. 詳情可以到官網查詢。 官方網站： https://kampai-sake.jp/   📝 小貼士：參加酒類活動前記得… ·       ✅ 預先網上登記／購票（部分活動需提前預約） ·       ✅ 空肚唔好去！建議食少少嘢先，避免醉得太快 😅 ·       ✅ 帶定水樽、口罩、酒袋（有時會有清酒販售） ·       ✅ Follow Sake Buddy 嘅 IG/FB/Threads, 跟貼日本各地酒類Events

Japanese Sake Matsuri 剛過去嘅7月初慶幸日本無發生特別大嘅事件，但好多人因為一個夢影響咗返鄉下嘅計劃。咁依家無事發生係唔係即刻執行李準備出發呢？出發之前睇一睇小編整理7月份日本舉行嘅清酒event比大家參考下啦. 呢個7月日本各地都有好多精彩嘅清酒活動等住大家去探索，無論你係清酒迷定係想試吓新嘢，都一定有啱你心水嘅選擇。咁我哋快啲睇吓有咩好玩啦！ --- ### 2025年7月18日(金)～20日(日)：SAKE PARK～日本橋の夏祭り～ 地點：東京日本橋  介紹：今年係第五回嘅Sake Park！活動集合咗30間來自日本及海外嘅清酒酒藏，絕對係一個唔容錯過嘅清酒盛會。著浴衣仲可以多攞一張酒卷，咁抵！  官網：[SAKE PARK]( https://www.makuake.com/project/sakepark5/ )    ---   ### 2025年7月19日(土)・20日(日)：八仙夏の蔵祭り2025 地點：青森縣八戶市八戸酒造  介紹：陸奧八仙嘅夏之藏祭每年都吸引住一班清酒迷，今年又如期而至！如果你未去過青森，咁就真係值得安排一次旅行，去感受一下當地嘅清酒文化。  官網：[八仙夏の蔵祭り2025]( https://t.livepocket.jp/e/w0jds )  ---   ### 2025年7月19日(土) ～21日(月)：ふるさとグルメてらす～しゅわしゅわ夏酒祭り～ 地點：東京JR御徒町駅南口おかちまちパンダ広場  介紹：呢個活動特色係以夏酒為主，仲可以即場walk-in買卷入場，非常方便！活動場地喺上野站附近，逛完アメ横町商店街順便去試吓13間酒藏嘅作品。  官網：[しゅわしゅわ夏酒祭り]( https://www.makuake.com/project/furusatogourmetterrace0719/ )  --- ### 2025年7月19日(土) ～21日(月)：Sakae Sake Square 2025 地點：名古屋榮區Oasis 21廣場  介紹：愛知及岐阜縣共47間酒藏參加嘅大型清酒活動，三日連續舉行。最正係如果你哋有四個人一齊去，可以買4人卷優惠！名古屋嘅朋友唔好錯過啦！  官網：[Sakae Sake Square 2025]( https://zip-fm.co.jp/sakaesake25/ )  --- ### 2025年7月26日(土) ～27日(日)：28th Washu Fes in Nakameguro 地點：東京中目黒GTタワー前広場  介紹：今年Washu Fes已經係第28回，活動主題係夏酒、Sparkling Sake同Premium Sake大集合，有超過200款酒款等住你嚟試！中目黑地點方便，絕對值得一去。  官網：[Washu Fes in Nakameguro]( https://sakefes.com/tokyo28/ )  --- ### 參加清酒活動小貼士 1. 預先查詢官網或SNS ：有啲活動需要事前預約或購票，唔好臨時先計劃呀！  2. 國際旅客友善 ：好多活動都有英文指示，唔使擔心溝通問題。  3. 穿著舒適 ：活動多數係戶外或者需要行動嘅場合，記得著舒服啲嘅鞋同衫。  4. 飲酒分寸 ：記住飲得開心但唔好過量，千祈唔好酒駕！  5. 搭配美食 ：試吓當地美食配清酒，味覺層次即刻升級！  --- ### 總結 咁多精彩活動，你哋有冇時間安排去玩吓呢？無論係東京、青森定名古屋，每個地方都充滿清酒文化同熱鬧氣氛。希望大家可以搵到自己最鍾意嘅活動，享受一個充滿清酒香氣嘅夏天！  如果你有咩清酒問題或者想分享活動心得，記得留言畀我哋呀！Cheers！🍶

田中酒造 - 春乃峰 「Try the best, God will do the rest.」呢句說話係我參觀完田中酒造，坐JR回程時突然諗起嘅感受。年初嘅滋賀縣之旅，最深刻嘅地方之一就係呢間位於甲賀市嘅百年酒藏，田中酒造。佢離甲賀忍者村大約30分鐘路程，周圍環境都係舊式民居，真係一個遠離繁囂、充滿懷舊氣息嘅地方。 由田中太太打理的Cafe 田中酒造由田中重哉先生同佢太太一齊經營，兩夫妻真係好有默契，分工合作得非常好。田中太太唔單止負責所有酒標設計，仲親手寫字，令每款酒標都變得獨一無二！而且，佢仲經營一間Café，所有蛋糕同食物都係佢親手製作，真係女強人嚟㗎！至於田中先生就專注釀酒同銷售，兩夫妻一齊守住呢個百年酒藏，真係令人佩服。 參觀酒藏嘅時候，最特別嘅感受就係入到去即刻覺得凍！室外只需要著件長袖Tee已經夠暖，但一踏入酒藏，就即刻感受到寒意，急急拎褸著上身先可以繼續行，估計室內溫度起碼比室外低5度左右。參觀嘅時候田中先生首先介紹嘅係酒藏入面嘅一口水井，井水係鈴鹿山水脈流經嘅伏流水。 獨特嘅低溫環境加上優質嘅超軟水釀出穩定又高質嘅清酒。 明年才出售的清酒 田中先生特別鍾意熟成酒，所以大部分出品都經過唔同時間嘅熟成。記得試酒嗰陣，田中先生突然拎住個實驗室用嘅Flask係酒缸斟咗壺清酒俾我試飲。我話好飲之後，佢即刻得戚咁話：「依家唔賣，出年先！」嗰種自信同對自己作品嘅滿意，真係令人印象深刻。 整個參觀過程中，我感受到田中先生對釀酒嘅熱誠，同埋佢對前人教授技術嘅尊重。佢話自己盡全力做好每一步，之後就交俾上天安排。可能就係咁樣嘅心態，加上天時地利人和，先可以釀出咁高質嘅清酒。 如果大家有機會嚟滋賀縣甲賀市，我真心推薦你去田中酒造走一轉！試吓佢哋用心釀造嘅清酒，再喺田中太太嘅Café度食返件蛋糕，絕對唔會令你失望！未有時間去參觀都可以先試一試田中酒造所釀嘅”春乃峰”感受下先.   https://www.sakebuddy.online/category/田中酒造-春乃峰